Iñigo Muguruzak (gitarra eta ahotsa, lehenago Kortatu, Negu Gorriak eta Joxe Ripiau taldeetan), Carlos Zubikoak (lehen Apurtun) eta Gorka Baskaranek (bateria-jole ohia Gatazka eta Be quieten) Sagarroi taldea sortu zuten 2001ean. Lehenengo diskoa urte horretan bertan publikatu zuten, “Meatzaldea”, eta Euskal Herrian zehar aurkeztu zuten, Madrilen, Bartzelonan, baita Europako beste hainbat tokitan ere, Suitza, Zagreb, Belgrado... Kubara ere iritsi ziren. 2003an “Euria ari duela” publikatu zuten. Disko honetan Asier Ituarteren (lehen Eskandalu publiko eta Joxe Ripiau taldeetan) ukitua nabari da. Soinuak argi eta berotasunera hurbiltzen dira, “Meatzaldea”-n nagusi zen hardcore gordinetik urrunduz, ska eta Karibeko eraginak onartuz. “Toulouse” taldearen hirugarren lana da. Izenburua eta Anthony Quinnen argazkia portadan mestizajerik zabalenaren ordezkari ditugu, musika eragin eta hitzen aldetik, bidaia eta dibertsitateari buruzko hitzak.